• Home »
  • Breaking News »
  • तलबसँगै बढ्यो आयकरको ‘सिलिङ’, विवाहित व्यक्तिले मासिक ३४,६१५ सम्म आयकर तिर्नु नपर्ने
तलबसँगै बढ्यो आयकरको ‘सिलिङ’, विवाहित व्यक्तिले मासिक ३४,६१५ सम्म आयकर तिर्नु नपर्ने

तलबसँगै बढ्यो आयकरको ‘सिलिङ’, विवाहित व्यक्तिले मासिक ३४,६१५ सम्म आयकर तिर्नु नपर्ने

काठमाडौं– सरकारले सरकारी कर्मचारीको तलबमा बृद्धि गरेसँगै आयकरको सिलिङमा पनि परिवर्तन गरेको छ । सरकारले अधिकृतभन्दा तलको कर्मचारीमा २० प्रतिशत र अधिकृतभन्दा माथिको तलबमा १८ प्रतिशतले वृद्धि गर्यो । त्यससँगै यसअघि एकल व्यक्तिको हकमा वार्षिक ३ लाख ५० हजार रुपैयाँको आम्दानीसम्म सामाजिक सुरक्षा करबाहेक अन्य कर नलिने गरेकामा अब यसको सिलिङ बढेर ४ लाख पुगेको छ ।
त्यसैगरी अब विवाहित जागिरेको हकमा वार्षिक ४ लाख ५० हजार रुपैयाँसम्मको आयमा सामाजिक सुरक्षा करमात्रै तिरे पुग्ने भएको छ ।  अघिल्लो आर्थिक वर्षसम्म विवाहित व्यक्तिले वार्षिक ४ लाख रुपैयाँभन्दा बढी आम्दानी गरेका १०, २० र ३० प्रतिशत गरी अधिकतम ३६ प्रतिशतसम्म कर तिर्नुपर्ने थियो ।

सरकारले मासिक आम्दानीलाई १३ महिनाको तलब जोडेर वार्षिक आम्दानी निर्धारण गर्ने गरेको छ । यसलाई हेर्दा अब मासिक ३० हजार ७ सय ७० रुपैयाँसम्म कमाउने एकल व्यक्तिले आम्दानी कर तिर्नु पर्दैन ।
त्यसैगरी विवाहित व्यक्तिको हकमा अब मासिक ३४ हजार ६ सय १५ रुपैयाँसम्म कमाउने व्यक्तिले आम्दानीमा कर तिर्नु नपर्ने भएको छ ।

source from ; rato pati

Share